Публикации » Район Пухăвĕн депутачĕсен ларăвĕ

Эрне кун район администрацийĕн Пысăк залĕнче район Пухăвĕн депутачĕсен черетлĕ 26-мĕш ларăвĕ иртнĕ. Кун йĕркинчи ыйтусем, тĕпрен илсен, Шăмăршă районĕн муниципаллă пурлăхне тытса тăрассипе, приватизацилессипе тата шута илессипе çыхăннă.

Муниципаллă пурлăха 2013 çулта приватизациленин кăтартăвĕсемпе район администрацийĕн экономика пайĕн пуçлăхĕ Э.Жамкова паллаштарнă.

Район администрацийĕн пуçлăхĕ В.П.Фадеев депутатсем умне район экономикипе социаллă пурнăçне аталантарас тĕлĕшпе пысăк çитĕнÿсем тунăшăн Чăваш Республикин тава тивĕçлĕ врачне Елена Васильевна Долгована «Шăмăршă районĕн хисеплĕ гражданинĕ» ят пама сĕнекен ыйтупа тухнă. Депутатсем çак сĕнÿпе пĕр саслă пулса килĕшнĕ.

Лару сÿтсе явнă ыйтусем тăрăх тивĕçлĕ йышăнусем тунă.