Публикации » Инвалида - ăшă кăмăлпа

15 марта 2014 г.

 ИНВАЛИДСЕНЕ тата ачаран инвалид пулнисене пăхса ỹстерекен ашшĕ-амăшне пулăшмалли ятарлă программăпа килĕшỹллĕн, Шăмăршă районĕнчи халăха ĕçе вырнаçтаракан центр 2014 çулта 3 инвалидпа нумай ачаллă 2 ашшĕ-амăшне ĕç тупса пама палăртнă. Çак тĕллевпе Федераци бюджетĕнчен 208,5 пин тенкĕ укçа уйăраççĕ. Çỹлте асăннă программăна хутшăнакан ĕç паракансене ятарлă ĕç вырăнĕ хатĕрлеме каякан тăкаксен пĕр пайне саплаштараççĕ. Хальхи вăхăтра центр инвалидсене тата нумай ачаллă ашшĕ-амăшне ĕçе вырнаçтарас тĕлĕшпе договорсем йĕркелет. Кун йышши договора "Сувар" ОООпа тата "Краснов А.В." фермер хуçалăхĕпе йĕркеленĕ ĕнтĕ.

С.КУЗЬМИН.