15 марта 2014 г.
ÇАК кунсенче Анат Чаткас ячĕнче пурăнакан Нина Зосимовна Кузьмина хăйĕн 65 çулхи юбилейне паллă турĕ. Ăшă кăмăллă, ĕçчен те пултаруллă хĕрарăма ял-йыш чунтан саламларĕ. Ку _ ахальтен мар. Кỹршĕллĕ Патирек ялĕнче çуралса ỹснĕ Нина Зосимовна Шупашкарти медицина училищинчен вĕренсе тухнă хыççăн килнĕ те Анат Чаткасса, ĕмĕрĕпех халăх сывлăхĕшĕн чун-чĕререн тăрăшнă. Миçе çын пурнăçне çăлса хăварман-ши Нина аппа, кам кăна тав тумасть-ши ăна? Паян та вăл ырă канашпа çынсене çутă шанăç парнелет, пурăнма хавхалантарать. Общество ĕçĕнчен те юлман вăл: хĕрарăмсен канашĕнче тăрăшнă, фольклор ушкăнĕнче юрланă-ташланă. Паян Нина Зосимовна килĕнче пĕчченех. Муркашра пурăнакан Саша ывăлĕ, кинĕпе виçĕ мăнукĕ ун патне килкелесех тăраççĕ, амăшне тата асламăшне савăнăç парнелеççĕ. Нумай-нумай пурăн, хаклă Нина Зосимовна, Сирĕн пек çынсем яла, района илем кỹреççĕ!
А.ЛУКИАНОВА, ялти библиотекарь.