15 марта 2014 г.
2014 Çулхи январь - февраль уйăхĕсенче район территорийĕнче преступлени тăвасси чакнă. Сăмахран, пĕлтĕр 2 уйăхра 36 преступление шута илнĕ пулсан, кăçал çак тапхăрта - 18. Тỹнтерле ĕçсен 94,4 процентне тăрă шыв çине кăларнă. Кăçалхи 2 уйăхра çын çине алă çĕклесси, ỹсĕр тата малтан судпа айăпланнă çынсем преступлени çулĕ çине тухасси ỹснĕ. Вĕлерессипе хăратнă, ют пурлăха çаратнă, экономика преступленийĕсем тунă, ниçта та ĕçлеменнисем, ушкăнпа каварлашакансем саккун йĕркине пăснă фактсем сахалтарах пулнă. Тепĕр çын çине алă çĕкленипе çыхăннă фактсемпе уйрăмах тимлĕ ĕçлеме тăрăшаççĕ полицин участокри уполномоченнăйĕсем. Алăсене ирĕке яма юратакан çын айăплавсăр юлсан, вăл тата йывăртарах преступлени туса хума пултарать. Çакнашкал тĕс- лĕхсене ытларах тупса палăртма тăрăшатпăр. Сăмахран, пĕлтĕр январь - февраль уйăхĕ-сенче РФ УКĕн 116 статйи тăрăх 6 уголовлă ĕç пуçарнă пулсан, кăçал çак тапхăрта - 10. Февраль уйăхĕнче Кивĕ Чукалта пĕр арçын хăйĕн арăмне чышкă-маклашкă панă. Шăмăршăра пĕр арçын предприяти хуралçи çине алă çĕкленĕ. Энтĕрьелĕнче хĕрарăм хăйĕн упăшкин ашшĕне çапса янă. Ку фактсем тăрăх пуринпе те уголовлă ĕç пуçарнă. Асанкассинчи пĕр йĕкĕт тепĕр кил хуçалăхĕнчи пусăран 2450 тенкĕ тăракан насус вăрласа кайнă. Халĕ унăн, РФ УКĕн 158 статйин 1-мĕш пайĕ тăрăх явап тытма тивет. Тỹнтерле ĕç тăвас туртăмлă çынсене çапла калас килет. Вăрттăн тунă ĕç хăçан та пулин çиеле тухатех. Кун пирки манас марччĕ.
С.АГЕЕВ, полицин "Батыревский" пайĕн районти уйрăмĕн начальникĕ.