Публикации » Шăмăршă пăхаттирĕсем каллех малта

15 марта 2014 г.

Нумаях пулмасть Улатăрта Атăл тăрăхĕнчи хуласем хушшинче кире пуканĕ йăтассипе хулан хисеплĕ гражданинĕ В.Притуленко ячĕллĕ приза тата ЧР Патшалăх Канашĕн депутачĕ Ю.Кислов призне çĕнсе илессишĕн ветерансемпе çамрăксен турнирĕ пулнă. Çак пысăк пĕлтерĕшлĕ ăмăртăва Шăмăршă спортсменĕсем те хастар хутшăннă. Ветерансем хушшинче Владимир Шуряков абсолютнăй чемпион пулса тăнă, ылтăн медальпе В.Притуленко ячĕллĕ приза çĕнсе илнĕ. Тепĕр спорт ветеранĕ - Шăмăршăри вăтам шкул учителĕ Константин Кусаинов та (вăлах - çамрăк спортсменсен тренерĕ) йывăр виçеллĕ спортсменсем хушшинче ылтăн медале тивĕçнĕ. Шăмăршăри вăтам шкулта вĕренекен Владимир Карзанов кĕмĕл медаль, Владислав Антонов, Никита Архипов тата Иван Афанасьев бронза медаль çĕнсе илни те - пирĕн командăшăн пысăк çитĕнỹ. В.Вячеславов.