Публикации » "Ăçта вилĕм сутнине пĕлтер"

19 марта 2014 г.

 ЧĂВАШ Енре март уйăхĕн 17-28-мĕшĕсенче Пĕтĕм Раççейри "Ăçта вилĕм сутнине пĕлтер" наркотиксене хирĕçле акци иртет. Ăна Раççей Федерацийĕн наркотиксен çаврăнăшне тĕрĕслесе тăракан федераци служби (ФСКН) йĕркелет. Акци тĕп тĕллевĕ - халăх наркоманипе тата наркопреступленисемпе çыхăннă çивĕч ыйтусене ан мантăр тени, çак "усал" тыткăнне лекнĕ çынсене пулăшасси. ФСКНăн Чăваш Енри управленийĕ регионра пурăнакансене наркотиксен саккунсăр çаврăнăшĕн тата унпа усă курнин факчĕсем пирки шанăç телефонĕпе (8(8352)23-01-00) пĕлтерме ыйтать. Çавăн пекех акци вăхăтĕнче профилактика, наркочирлĕ çынсене сиплессин тата реабилитацийĕн ыйтăвĕсемпе специалистсен консультацине илме май килет.