26 февраля 2014 г.
Кăçал январьте районта 10 преступлени пулнине регистрациленĕ (пĕлтĕр çак тапхăрта - 24). Январьти преступленисенчен 6-шĕ - çын çине алă çĕкленипе (пĕлтĕр январьте - 2 факт), 2-шĕ - экономикăри (9), 6-шĕ - çурт-хваттерти (7) тỹнтерлĕ ĕçсемпе çыхăннă. Хăш-пĕр преступленисене илсен, кунта Карапай Шăмăршă арçынни хăйĕн арăмне вĕлерессипе хăратнине асăнмалла. Çак факт тăрăх, РФ УКĕн 119 статйипе килĕшỹллĕн, уголовнăй ĕç пуçарнă. Преступленисенчен 4-шне ỹсĕр çынсем, 5-шне - малтан судпа айăпланисем, 6-шне ниçта та ĕçлеменнисем тунă. Административлă право йĕркине тĕрлĕ майпа пăснăшăн иртнĕ уйăхра пурĕ 72 протокол çырнă. Çак шутран ытларах пайне обществăлла вырăнсенче ỹсĕр çапкаланса çỹрекенсем (34) тата хулиганла пĕчĕк ĕç тăвакансем (8) йышăннă. Январьте преступленисене 100 проценчĕпех тăрă шыв çине кăларнă.
С.АГЕЕВ, полицин районти уйрăмĕн начальникĕ.