Публикации » Раççейре - пĕрремĕш

01 марта 2014 г.

 ШЕЛ, чăваш спортсменĕ кăçалхи хĕллехи Олимп вăййисенче пысăк кăтартупа савăнтараймарĕ. Çак пысăк шайри ăмăртусенче малашне пирĕн ентешсем çитĕнỹсем тăвас шанăç пур. Çĕнĕ Шупашкарта пулса иртнĕ триатлон енĕпе Раççей чемпионатĕнче унччен Шăмăршăри "Туслăх" физкультурăпа спорт комплексĕнчи ачасемпе çамрăксен спорт шкулĕнче малтанхи утăмсем тунă Дмитрий Ефимов палăрнă, акволтон дисциплининче (шывра 500 метр ишесси, 2500 метра чупасси) çамрăксем хушшинче çĕнтерỹçĕ пулса тăнă. Дима- триатлон енĕпе Раççейĕн пĕрлештернĕ çамрăксен командин лидерĕсенчен пĕри. Халĕ спортсмен хăйĕн ăсталăхне Çĕнĕ Шупашкарти Олимп резервĕсен училищин ачасемпе çамрăксен спорт шкулĕнче малалла тăсать.

Б.МИШКИН.