01 марта 2014 г.
"АЧАЛĂХШĂН, ачалăх ячĕпе" ятлă ыр кăмăллăх марафонне хутшăнса, район çыннисем хальлĕхе 29 пин те 790 тенкĕ укçа пуçтарса панă. Чи малтисен йышĕнче - район администрацийĕпе ял тăрăхĕсенче ĕçлекенсем, социаллă учрежденисенче, культурăра, çыхăну ĕçĕнче, ача сачĕнче, энергетика отраслĕнче вăй хуракансем. Марафон малалла пырать, пурте ырă ĕç тума васкар. Аса илтеретпĕр: 2013 çулта район çыннисем марафон фондне 260,5 пин тенкĕ укçа хывнă. Çак укçапа пĕтĕмпех ача сачĕсен пурлăх базине çирĕплетме тата сахал тупăш илекен нумай ачаллă çемьесене пулăшма усă курнă.
Н.ЕНДИЕРОВ, районти халăха социаллă хỹтлĕх паракан пай пуçлăхĕ.