Публикации » Çамрăк художниксен çитĕнĕвĕ

26 марта 2014 г.

 КУЛЬТУРА çулталăкне халалласа, Шупашкарта Э.М.Юрьев призĕсене тивĕç пулассишĕн ача-пăча ỹкерчĕкĕсен XIII конкурсĕ иртнĕ, ăна "Раççейĕн культурăпа истори еткерлĕхĕ" ят панă. Конкурс хамăр республикăри, çавăн пекех Казахстан çĕр-шывĕпе Краснодар крайĕнчи 513 ача хăйсен ỹкерчĕкĕсене тăратнă. Шăмăршăри ача-пăча искусство шкулĕ те 18 ỹкерчĕк ярса панă. "Раççей халăхĕсен юмахĕсем, легендисем тата мифĕсем" номинацире кĕçĕн ушкăнра (8-10 çултисем) Лира Гадиева (преподавателĕ З.П.Морозова) III вырăн йышăннă. "Раççей халăхĕсен наци йăли-йĕркипе культура еткерлĕхĕ" номинацире аслă ушкăнра (14-17 çултисем) Таня Сергеева (преподавателĕ И.В.Поликарпова) хавхалантармалли приза тивĕçнĕ.

З.ПЕТРОВА.