02 апреля 2014 г.
Тăван тавралăхшăн тăрăшас, халăха кăмăл-сипет тата экологи тĕлĕшĕнчен воспитани парас, ялсен сăн-сăпатне лайăхлатас тĕллевпе районта кăçалхи апрелĕн 1-мĕшĕнчен пуçласа майăн 1-мĕшĕччен тирпей-илем уйăхлăхне ирттерме йышăннă. Уйăхлăх ирттерес ĕçе йĕркелесе-ертсе пыма ятарлă комисси туса хунă, комисси председателĕ - район администрацийĕн пуçлăхĕн çумĕ В.А.Петьков. Санитарипе экологи уйăхлăхĕнче пурнăçламалли мероприятисен планне туса çирĕп-летнĕ. Ялсенче кашни эрне кунах санитари кунĕ ирттерме палăртнă. Ял тăрăхĕсен пуçлăхĕсене ялсене тирпей-илем кỹрес, йывăçсемпе тĕмсем лартас ĕçсене халăха анлăн явăçтарма сĕннĕ. Район центрĕнчи предприятисемпе организацисен, учрежденисен ертỹçисен хăйсен территорийĕнче, çавăн пекех çирĕплетсе панă территорисенче тирпей-илем тăвассишĕн тивĕçлĕ мерăсем йышăнмалла, çак ĕçе çулталăк тăрăшшĕпех туса пымалла.