09 апреля 2014 г.
Нумаях пулмасть Шăмăршăри "Ромашка" ача садĕнче воспитательсен семинар-практикумĕ иртрĕ. Хальхинче калаçу пĕчĕккисен творчество пултарулăхне "ГРАТТАЖ" ỹкерỹ техникипе малалла аталантарсси çинчен пычĕ. Семинарта мана çак темăпа доклад туса пама сĕнчĕç. Тỹрех каламалла: шкул çулне çитмен ачасем экспериментла пулăмсене - çакнашкал занятисене чăтăмсăррăн кĕтеççĕ, вĕсенче пысăк активлăх кăтартаççĕ. Традицие кĕмен ỹкерỹ техники _ "ГРАТТАЖ" пĕчĕккисемшĕн питĕ интереслĕ. Сăмахран, шурă хут çине тĕслĕ кăранташсемпе ỹкересси кашни ачанах илĕртмест пулсан, тушьпа сăрланă картона перопа е ытти çивĕч инструментпа чĕрмелесе тĕрлĕ ỹкерчĕксем тăвассине ("ГРАТТАЖ") пĕчĕккисем питĕ килĕштереççĕ. "ГРАТТАЖ" ỹкерỹ техники ăстаçă пултарулăхне малалла аталантарма, илемлĕхе хăйсен аллипе тунине туйма май парать.
Е.ВОРОБЬЕВА, воспитатель.