Публикации » Электрон билечĕ - ятран

12 апреля 2014 г.

Патшалăх çăмăллăхĕпе усă куракансем хальхи вăхăтра общество транспорчĕпе хулара тата хула çывăхĕнче çỹренĕшĕн вăхăтлăх социаллă билетпа электрон мелĕпе тỹлеççĕ. Тĕрĕссипе, вĕсем ятран панăскерсем мар, çавна май кăçалхи май уйăхĕн 1-мĕшĕнчен вăйне çухатаççĕ. Малашне вăл çăмăллăхпа усă куракан кашни çыншăн уйрăм пулать, урăхла каласан асăннă документа персонификацилеççĕ. Çак çĕнĕлĕхе ЧР Транспорт министерстви пурнăçа кĕртме хатĕрленет. Унтан пĕлтернĕ тăрăх - граждансен хула тата хула çум транспорчĕпе çăмăллăхпа çỹреме ирĕк паракан документпа, вăхăтлăх электрон билетпа "Пĕрлехи транспорт картти" йышăну пунктне пымалла, çумра сăн ỹкерчĕк пулмалла.