16 апреля 2014 г.
2014 çулхи пĕрремĕш квартал хыçа юлчĕ. Районăн пĕрлештернĕ (консолидированный) бюджечĕ виçĕ уйăхра тупăш енĕпе 46923,5 пин тенкĕ чухлĕ (çулталăк валли палăртнин 23,8 процент) пурнăçланнă. Çав шутра налуксемпе налук мар тупăшсем 9114,5 пин тенкĕ (2013 çулхипе танлаштарсан 9,5 процент нумайрах). Пĕрлештернĕ бюджетра район тупăшĕсен пайĕ 4,6 процентпа танлашать. Налук тупăшĕсенче физически лицосен тупăшĕнчен илнĕ налук 5429,5 пин тенкĕ шутланать. Ку кăтарту 2013 çулхи çак вăхăтринчен 15,2 процент нумайрах. Иккĕмĕш вырăнта - пĕрлехи тупăшран илекен налук. Çак сумма 1616,9 пин тенкĕпе танлашать. Асăннă налук хисепĕ 2013 çулхи çак вăхăтри шайран 37,0 процент пысăкрах. Шăмăршă районĕн пĕрлештернĕ бюджечĕн тăкакĕ-сем пĕрремĕш кварталта 43545,8 пин тенкĕпе е çулталăк валли палăртнин 22,1 проценчĕпе танлашнă.
О.МИРОНОВА, район администрацийĕн финанс пайĕн пуçлăхĕ.