30 апреля 2014 г.
Апрелĕн 28-мĕшĕнче Чăваш Республикин Министрсен Кабинечĕн Председателĕ Иван Моторин Шăмăршă районĕнче тăвакан ушкăнлă водовода çитсе курнă, çак шыв управĕ Шăмăршă, Патăрьел районĕсемпе Комсомольски районĕн кăнтăр енчи пайне ĕçмелли паха шывпа тивĕçтерĕ. Премьер-министр шыв тасатакан станци сооруженийĕсемпе паллашнă, çак объектра ĕçлĕ канашлу ирттернĕ. Канашлу ĕçне Чăваш Республикин строительство, архитектура тата ЖКХ министрĕ Олег Марков, Шăмăршă район администрацийĕн пуçлăхĕ Валерий Фадеев, подрядлă тата проект организацийĕсен представителĕсем хутшăннă. Канашлура водоводăн пĕрремĕш черетне ĕçе ярас тĕлĕшпе умра тăракан çивĕч ыйтусене сỹтсе явнă. Объект хатĕрпе пĕрех, технологи оборудованине тепĕр хут тĕрĕслесе тухас ĕç çеç юлнă. Иван Моторин халăхшăн питех те кирлĕ çак объекта хăвăртрах хута ярассишĕн вăйсене пĕрлештермеллине палăртнă.
ЧР ПУÇЛĂХĔН АДМИНИСТРАЦИЙĔН ПРЕСС- СЛУЖБИ.