Публикации » "Савнă кин" чăннипех савăнтарчĕ

30 апреля 2014 г.

 Культура çулталăкĕ чăннипех те ял пурнăçне ырă витĕм кỹме пуçларĕ: Шупашкар артисчĕсем гастроле çỹреме тытăнчĕç. Юлашки хут вĕсем Кивĕ Шăмăршăра 30 çул каялла пулнăччĕ. К.В.Иванов ячĕллĕ Чăваш академи драма театрĕн пултарулăх ушкăнĕ хальхинче яла Н.Угарин çырнă "Савнă кин" икĕ пайлă камитпе килнĕ. Спектакль режиссерĕ - Асанкасси ялĕнче çуралса ỹснĕ, пиртен вăхăтсăр уйрăлса кайнă Н.Корчаков. Рольсене А.Зайцева, В.Ситова, И.Иванов тата халăх юратакан ытти паллă артистсем вылярĕç. Куракансем камите çав тери ăшшăн йышăнчĕç, артистсене чĕререн тав турĕç. Ялпа хула хушшинчи туслă çыхăну çирĕпленсех пытăрччĕ.

Г.ЛАРШНИКОВ.