17 мая 2014 г.
Шăмăршăра лесничествин ĕçченĕсем "Пĕтĕм Раççейри вăрман лартмалли кун" акцие пысăк хастарлăхпа хутшăнчĕç. Палтиелĕнчи участок лесничествинче кăна, сăмахран Ломоносов аллейине çĕре яхăн туя, çăка тата хурăн хунавĕ лартса хăварчĕç. Асăннă аллея участок лесничествин 155-мĕш кварталĕнче вырнаçнă, ăна 2011 çулхи сентябрĕн 30-мĕшĕнче 0,2 гектар лаптăк çинче йĕркеленĕ, вырăссен пĕрремĕш академикĕ Михаил Васильевич Ломоносов çуралнăранпа 300 çул çитнине халалланă. - Ỹсчĕр пирĕн йывăçсем, вăрман татах хитрелентĕр, пуянлантăр, - терĕç акцие хутшăнакансем.
Б.ВАСИЛЬЕВ.