Публикации » Выльăх усратăн - укçаллă пулатăн

24 мая 2014 г.

 Ярăслав ялĕнче йышлă выльăх-чĕрлĕх тытакансем сахал мар. Анатолийпе Лидия Русскийсем те -  çак шутра. Русскийсен картишĕнче - пĕр лашапа пĕр ĕне, 2 пуç ама сысна, пĕр пуç аçа сысна, сурăхсем. Кунсăр пуçне чăх-чĕп те нумай. Йышлă выльăх-чĕрлĕх валли, паллах, выльăх çими те нумай кирлĕ. Ăна хатĕрлеме ывăлĕсем - Евгенийпе Леонид пулăшаççĕ. Ывăлĕсем те -  ашшĕпе амăшĕ пекех ĕçчен. Килти хуçалăхра йышлă выльăх усрани Русскийсен çемйине аш-какайпа, сĕт продукцийĕпе тата çăмартапа ытлă-çитлĕ тивĕçтерсе тăма май парать. Ытлашши продукцие предпринимателе сутни вара çемье бюджетне хушма укçапа пуянлатма пулăшать. 

Е.ПЕТРОВА. Ярăслав ялĕ.