24 мая 2014 г.
Патăрьелсем Чикĕ çарĕсенче салтак тивĕçне пурнăçланă хăйсен ентешĕсене халалласа пĕлтĕр гранитран палăк лартрĕç. Эпир те, Шăмăршă районĕнчи запасри воин-пограничниксем, вĕсен ырă тĕслĕхĕпе хавхаланса райцентрта çакнашкал палăк лартма шутларăмăр. Ырă пуçару туллин пурнăçланчĕ. Майăн 21-мĕшĕнче Шăмăршăра, Культура аталанăвĕн центрĕ умĕнчи паркра районти пограничниксене халалланă илемлĕ палăка малтан хатĕрленĕ никĕс çине хăпартса лартрăмăр. Халĕ запасри воин-пограничниксемпе пĕрле палăк таврашне илемлететпĕр. Майăн 28-мĕшĕнче, юн кун Пограничниксен кунĕнче, çак палăка савăнăçлă лару-тăрура уçма палăртатпăр. Тĕрлĕ çулсенче призыв йĕркипе Чикĕ çарĕсенче çар тивĕçне пурнăçланă районти воин-пограничниксене тата ыттисене Шăмăршăри Культура аталанăвĕн центрĕ умне пуçтарăнма йыхравлатпăр. Мероприяти 14 сехетре пуçланать. Савăнăçлă пуху интереслĕ програмăллă концертпа вĕçленет.
Е.СЕТРИВАНОВ, Чăваш Республикинчи "Пограничниксен пĕрлĕхĕ" обществăн районти пуçламăш организацийĕн ертỹçи.