Публикации » Туризм ыйтăвĕпе - семинар

28 мая 2014 г.

 Çак кунсенче районти культура аталанăвĕн центрĕ культура ĕçченĕсемпе библиотекарьсем валли "Туризм -  наци сăн-сăпачĕ" темăпа семинар-канашлу ирттерчĕ. Канашлу ĕçне район администрацийĕн пуçлăхĕн çумĕ В.А.Петьков хутшăнчĕ. Канашлура Шăмăршă районĕнчи туризма аталантарас ыйтăва çивĕч çĕклерĕç. Çак ĕçе "Чăваш вăрманĕ" Наци паркĕпе пĕрле йĕркелемеллине палăртрĕç. Культура ĕçченĕсем районти "Акатуй-2014" ĕçпе юрă тата спорт уявне хатĕрленес ыйтăва та сỹтсе яврĕç, Акатуй концерчĕн программине çирĕплетрĕç. Семинарăн иккĕмĕш пайĕ "Чăваш вăрманĕ" Наци паркĕнче иртрĕ. Культура ĕçченĕсем çут çанталăк илемĕпе савăнчĕç, сывлăх сукмакĕпе утса тухрĕç. 

Т.ДАВЫДОВА.