31 мая 2014 г.
Майăн 28-мĕшĕнче Чăваш Республикин Патшалăх Канашĕн депутачĕ, "Единая Россия" политика партийĕн Председателĕн Д.А.Медведевăн регионти обществăлла приемнăйĕн ертỹçи, федерацин Шупашкарти травматологи, ортопеди тата эндопротезировани центрĕн тĕп врачĕ Н.Николаев "Единая Россия"партин Шăмăршăри офисĕнче суйлавçăсене харпăр-хăй ыйтăвĕсемпе йышăннă. Ыйтусем, тĕпрен илсен, районти вĕçленмен строительство объекчĕсене туса пĕтерме республика шайĕ- пе укçа-тенкĕ уйăрассипе, халăха ĕçмелли паха шывпа тивĕçтерессипе, çулсене юсассипе, çĕрпе тухăçлă усă курассипе çыхăннă. "Единая Россия" парти депутачĕ Николай Станиславович Николаев суйлавçăсене май пур таран пулăшма шантарнă. Тĕл пулу хыççăн депутат район администрацийĕн пуçлăхĕпе В.П.Фадеевпа пĕрле суйлавçăсем çĕкленĕ ыйтусене татса памалли майсем çинчен сỹтсе явнă. Çак кунах Н.С.Николаевпа В.П.Фадеев районти тĕп больницăра ĕçлекенсемпе тĕл пулса калаçнă.
П.ФОМИН.