04 июня 2014 г.
Çапла, çак сăмахсене çирĕплетсех калама пулать: майăн 27-мĕшĕнче Кỹкеçре иртнĕ шкулсен ăмăртăвĕнче Шăмăршă вăтам шкулĕн команди çĕнтерỹçĕ пулса тăнă. Ăмăртăва Чăваш Ен хулисемпе районĕсенчи 32 команда хутшăннă. Вĕренекенсем ГТО нормисене кĕрекен пилĕк программăпа - 30, 60 тата 100 метра чупассипе, вырăнтан вăрăмĕшне сикессипе, вăй-хал гимнастикипе, 300 тата 1000 метра чупассипе тата шывра ишессипе тупăшнă. Шăмăршă ачисем 2365 очко пухса Çĕнĕ Шупашкарти 17-мĕш тата Çĕрпỹри 1-мĕш вăтам шкулсене кая хăварнă. Анатолий Горшков, Семен Семенов, Вера Удина, Илья Хлюкин тата Дарья Семенова, Ангелина Ефимова, Кристина Чебан, Анна Ельцова тата Николай Шиллер район чысне тивĕçлипе хỹтĕленĕ. Вĕсене вĕренỹре тата спортра çĕнĕ çитĕнỹсем сунатпăр.
С.ГАЛКИН, "Туслăх" ДЮСШ директорĕ.