Публикации » "Зарницăпа" "Орленок" - юратнă вăйăсем

04 июня 2014 г.

 Июнĕн 2-мĕшĕнче Шăмăршăра ачасемпе çамрăксен "Зарница" тата "Орленок" çарпа спорт вăййисем пуçланчĕç. Вĕсене районти пĕтĕмĕшле пĕлỹ паракан шкулсенчи 9 команда хутшăнать. Çарпа спорт вăййисене савăнçлă лару-тăрура уçнă çĕре район администрацийĕн вĕрентỹпе çамрăксен политики пайĕн пуçлăхĕ Н.Г.Игнатьева, Чăваш Республикин çар комиссариачĕн Патăрьел тата Шăмăршă районĕсенчи уйрăмĕн представителĕсем П.Г.Васюков, А.П.Шулепов тата П.И.Иванов, Шăмăршăри Рождество Христова чиркỹ настоятелĕ Николай атте хутшăнчĕç, юнармеецсене çар вĕренĕвĕпе спортра ăнăçу сунчĕç. Вăйăсен пысăк пайĕ "Туслăх" спорт комплексĕн территорийĕнче иртет. Юнармеецсен вăййи паян вĕçленет.

С.ГАЛКИН.