Публикации » Пенсионерсен Спартакиади

18 июня 2014 г.

 Раççей кунĕнче Шупашкарта çĕр-шывра пĕрремĕш хут иртнĕ пенсионерсен Спартакиади вĕçленнĕ. Унта Раççейĕн 56 регионĕнчен 500-е яхăн пенсионер хутшăннă. Çавăн пекех Белоруссирен, Таджикистанпа Узбекистанран тата Сербирен те аслă çулсенчи спортсменсем килнĕ. Икĕ куна тăсăлнă ăмăртусем хыççăн пĕрремĕш вырăна - Кемерово облаçĕн, иккĕмĕш вырăна -  Пермь крайĕн, виççĕмĕш вырăна Чăваш Республикин команди йышăнни палăрнă. Спартакиада хупăннă ятпа ирттернĕ церемоние Чăваш Ен Пуçлăхĕ Михаил Игнатьев, спорт министрĕ Сергей Мельников тата Пĕтĕм Раççейри "Раççей пенсионерĕсен Союзĕ" общество организацийĕн координаторĕ Владимир Клоницкий хутшăннă. Михаил Игнатьевпа Владимир Клоницкий çĕнтерỹçĕсемпе призерсене кубоксемпе, медальсемпе, Дипломсемпе тата хаклă парнесемпе чысланă.