08 июля 2014 г.
Районти халăха ĕçпе тивĕçтерекен центр ĕçсĕр тăрса юлнисене çĕнĕ професси илме е квалификацие ỹстерме пулăшас тĕлĕшпе нумай тăрăшать.Çулталăк пуçланнăранпа 12 çынна вĕренме ятăмăр. Пирĕн центр професси паракан 6 вĕренỹ учрежденийĕпе 8 договор турĕ. Ĕçсĕр тăрса юлнă граждансем электрогазосварщика, уйрăм хуралçа (частный охранник), В тата Д категориллĕ водителе, повара, парикмахера, кадрсемпе ĕçлекен специалиста вĕренме, "1С: Предприятие 8" тата "1С: Управление торговлей" программăпа квалификацие ỹстерме пултараççĕ.
С.КУЗЬМИН, районти халăха ĕçпе тивĕçтерекен центр директорĕ.