19 июля 2014 г.
"ЕДИНАЯ РОССИЯ" партин Чăваш регионĕнчи уйрăмĕ "Çирĕп çемье - телейлĕ ачалăх" фото конкурс ирттересси çинчен пĕлтерет. Ăна çемье институтне çирĕплетес, çемье пуянлăхĕсене пропагандăлас, çемье традицийĕсене сыхласа хăварас тата ỹстерсе пырас тĕллевпе йĕркелеççĕ. Çавăн пекех, конкурсра фотографипе фото искусствăра çамрăк талантсене те палăртĕç. Конкурс 7 номинаципе иртет: "Анне аллисен ăшши";
"Ман атте чи лайăххи";
"Юратнă асаннесемпе асаттесем";
"Çемье портречĕ";
"Анне, атте, эпĕ - спорт çемйи";
"Çемье канăвĕнчи хаваслă самантсем";
"Манăн çемье - манăн пуянлăх".
Конкурс кăçалхи июлĕн 15-мĕшĕнче пуçланнă, октябрĕн 31-мĕшĕччен тăсăлать. Ĕçсене konkurs-21@mail.ru электрон почтипе йышăнаççĕ.
С.ПЕТРОВ.