Публикации » Шкулсем вĕренỹ çулне хатĕр

23 июля 2014 г.

 Июлĕн 17-18-мĕшĕсенче район комиссийĕ (унта район администрацийĕн вĕренỹпе çамрăксен политикин пайĕн, санэпидемнадзор, пушар надзорĕн специалисчĕсем кĕреççĕ) шкулсемпе шкулчченхи учрежденисене çĕнĕ вĕренỹ çулне хатĕрленине тĕплĕн тĕрĕслесе тухнă. Пурĕ 10 шкулпа 8 ача садне тĕрĕсленĕ, пысăк çитменлĕхсем тупса палăртман. Комисси çак учрежденисем çĕнĕ вĕренỹ çулне хатĕр тесе йышăннă. Уйрăмах Кивĕ Чукалти тĕп шкулпа Карапай Шăмăршăри вăтам шкула лайăх юсаса хатĕрленĕ. Пăчăрлă Пашьелпе Палтиел вăтам шкулĕсенче, патшалăх программипе килĕшỹллĕн хушма ĕçсем пынă май, комисси августăн 14-мĕшĕнче тĕрĕслỹ ирттерет.

Г.ИСАЕВ.