Публикации » Ăста алăсене - тивĕçлĕ ĕç

06 августа 2014 г.

 Рынок условийĕсенче ял çыннисемшĕн патшалăх пуян пурнăç туса парасса кĕтсе лармалла мар. Кам ĕçлет, пуçарулăх кăтартать - çав çын хăйĕн пурнăçне лайăхлатать. Акă кăçалхи пĕрремĕш çур çулта районта 4 çын харпăр-хăй ĕçне йĕркелесе янă. А.Хафизов предприниматель обществăлла апатлану енĕпе, Н.Тимофеев фермер акселерат ăратлă кроликсем ĕрчетессипе, П.Карзанов предприниматель суту-илỹпе, И.Владимиров предприниматель пассажирсем турттарас тĕлĕшпе ĕçлеççĕ. Январь-июнь уйăхĕсенче пĕчĕк бизнес субъекчĕсем çĕнĕрен икĕ объект уçнă: керамзитобетон туса кăларакан (А.Романов) тата брусчатка хатĕрлекен (Х.Арутюнян) цехсем ĕçлеме пуçланă. Хальхи вăхăтра районта пĕчĕк тата вăтам предпринимательлĕхĕн 284 субъекчĕ ĕçлет. Пĕлтĕрхи çак тапхăртипе танлаштарсан, уйрăм предпринимательсен йышне 8 çын хутшăннă. 

Е.ФЕДОРОВА