Публикации » Августăн 20-мĕшĕнче - Информаци кунĕ

16 августа 2014 г.

 Çитес юн кун - августăн 20-мĕшĕнче - республикăра пĕрлĕхлĕ Информаци кунĕ иртет. Тĕп темăсем çаксем: Чăваш Республикин социаллă пурнăçĕпе экономикин аталанăвĕ тата кăçалхи бюджечĕ пĕрремĕш çур çулта мĕнле пурнăçланни çинчен; Чăваш Республикин пĕтĕмĕшле пĕлỹ паракан организацийĕсене çĕнĕ вĕренỹ çулне мĕнле хатĕрлени çинчен. Çавăн пекех информаци ушкăнĕсем вырма ĕçĕсем мĕнле пынипе, пурăнмалли çурт-йĕрпе коммуналлă хуçалăх объекчĕсене кĕркуннехи-хĕллехи хутмалли сезона хатĕрленипе тата ытти ĕçсемпе те интересленĕç. Шупашкартан пирĕн района Чăваш Республикин Патшалăх Канашĕн Председателĕн çумĕ - экономика политики, агропромышленноç комплексĕ тата экологи енĕпе ĕçлекен комитет председателĕ О.В.Мешков ертсе пыракан информаци ушкăнĕ килет. Информаци ушкăнĕсем пĕчĕк тата аякра вырнаçнă ялсене çитсе халăхпа тĕл пулса калаçĕç. Çавăн пекех граждансене харпăр-хăй ыйтăвĕсемпе йышăнĕç.