16 августа 2014 г.
Район администрацийĕн ЗАГС пайĕ кăçалхи январь-июль уйăхĕсенче 93 ача - 43 арçын ачапа 50 хĕр ача çуралнине регистрациленĕ. Телейлĕ ашшĕ-амăшĕ хăйсен пепкисене ят панă чух Егор, Артем, Глеб, Анастасия, Виктория, Мария ятсене ытларах килĕштернĕ. 27 çемьере - пĕрремĕш, 42 çемьере - иккĕмĕш, 19 çемьере - виççĕмĕш, 4 çемьере - тăваттăмĕш, 1çемьере - пиллĕкмĕш ача çут тĕнчене килнĕ. Çулталăк пуçланнăранпа 39 туй кĕрленĕ (пĕлтĕрхи çак тапхăрта - 44). Суд йышăнăвĕпе 23 мăшăр уйрăлнă. Тĕрлĕ сăлтавпа 127 çын (2013 çулта - 172) - 69 арçынпа 58 хĕрарăм пурнăçран уйрăлса кайнă.
Е.ФЕДОРОВА, ЗАГС пайĕн ертỹçи.