02 февраля 2013 г.
СЫВЛĂХ – чи хаклă тупра. Ăна нимле укçапа та туянма пулмасть. Чирлесен, амансан-сусăрлансан сипленме тиветех вара. Операци сĕтелĕ çине те выртасси пулать. Нумай чухне пĕр çыннăн юнĕ теприне вилĕмрен çăлса хăварать. Çак тĕллевпе тăтăш донорсен кунне йĕркелеççĕ. Хальхинче вăл Палтиелĕнчи пĕтĕмĕшле врач практикин çемье офисĕнче тата районти тĕп больницăра пулчĕ.
Шел, ырă кăмăллăх кăтартакансен йышĕ чакса пыни хурлантарать. Палтиелĕнче 38 çын юн панă пулсан, Шăмăршăра вара 49-ăн. Паллах, ку кăтартăва пысăк тесе калаймăн. Ытти чухне донор кунĕнче хастарлăх кăтартакан çынсем пыманни тĕлĕнтерчĕ. Е вĕсем пĕлмесĕр, сисмесĕр юлчĕç-ши; Анчах юн парас кăмăллă çынсене пĕлсе тăма маларах пĕлтерÿ панăччĕ. Чунпа хытса пыма пуçларăмăр-шим; "Сан юну – теприн пурнăçĕ" каларăша асран кăлартăмăр-ши;