02 февраля 2013 г.
Районти 42 номерлĕ пушар чаçĕн ĕçченĕсем е вĕсене халь Патшалăхăн чрезвычайлă лару-тăру комитечĕн "Чăваш Республикин пушара хирĕç кĕрекен служба" хысна учрежденийĕ теме пуçларĕç, сывă пурнăç йĕркине тытса пырассишĕн, спортпа физкультурăна аталантарассишĕн сахал мар тăрăшаççĕ. Вĕсене районти ăмăртусенче кăна мар, республикăра та çĕнтерÿçĕсен шутĕнче курма пулать.
Тăвайра пулса иртнĕ йĕлтĕрçĕсен эстафети те çакна çирĕплетсе парать. Кăнтăр енчи районсен пушар чаçĕсен ĕçченĕсем 4х5 км эстафетăра ăмăртнă. Шăмăршăсем (Олег Харитонов, Александр Муляков, Сергей Исянов, Владимир Поляков) финиша иккĕмĕш çитнĕ. Хальхинче çĕнтерÿ кил хуçисенче пулнă, Патăрьелсем виççĕмĕш вырăн йышăннă. Çавăн пекех çак ăмăртура Владимир Поляковăн кăтартăвĕ те савăнтарать, вăл – иккĕмĕш.