Публикации » Халăхпа тĕл пулса калаçнă

23 августа 2014 г.

Юн кун Чăваш Енре, çав шутра пирĕн районта та Пĕрлĕхлĕ информаци кунĕ иртнĕ. 9 информаци ушкăнĕ ялсенче пулса Информаци кунĕн тĕп ыйтăвĕсемпе - Чăваш Республикин социаллă пурнăçĕпе экономикин аталанăвĕ тата кăçалхи бюджечĕ пĕрремĕш çур çулта мĕнле пурнăçланни çинчен тата Чăваш Республикин пĕтĕмĕшле пĕлỹ паракан учрежденийĕсене çĕнĕ вĕренỹ çулне мĕнле хатĕрлени çинчен - ĕç коллективĕсенче калаçу ирттернĕ. Район администрацийĕн пуçлăхĕ Валерий Фадеев - Палтиел ял тăрăхĕнче, район администрацийĕн пуçлăхĕн çумĕ Владимир Петьков тата Чăваш Республикин шалти ĕçсен министерствин лицензипе ирĕк паракан центрĕн пуçлăхĕ Владимир Луговских - полицин Шăмăршăри уйрăмĕнче, ял тăрăхĕнче тата вăтам шкулта, район администрацийĕн ял хуçалăхĕпе экологи пайĕн пуçлăхĕ Владимир Алексеев тата Федерацин ветеринарипе фитосанитари службин управленийĕн пуçлăхĕн çумĕ Николай Романов - Пуянкасси ял тăрăхĕнче пулса халăхпа курса калаçнă. Информаци ушкăнĕсем çынсен ыйтăвĕсем çине туллин хуравланă, харпăр-хăй ыйтăвĕсемпе йышăну йĕркеленĕ. Район администрацийĕн пуçлăхĕ Валерий Фадеев Палтиелĕнчи вăтам шкул коллективĕпе тĕл пулнă хыççăн "Мир" тата "Искра" хуçалăхсенчи вырма ĕçĕсемпе паллашнă.

З.ВОЛКОВА.