Публикации » Чи вăйли - Шăмăршăран

23 августа 2014 г.

 Кăçалхи августăн 13-17-мĕшĕсенче Беларусьри Витебск хулинче кире пуканĕн триатлонĕпе пĕтĕм тĕнчери Олимпиада пулса иртнĕ. Тăхăр çĕр-шыври спортсменсем хутшăннă унта, мала тухассишĕн тупăшнă. Çакна та палăртса хăвармалла: олимпиадăна Гиннессăн коллективлă номинацийĕ, Лондонри "Гиннессăн тĕнче рекорчĕсем" штаб-хваттерĕн спорт комиссарĕ те килсе çитнĕ. Раççейĕн пĕрлештернĕ командинче 95 килограма çитичченхи виçери спортсменсем хушшинче Шăмăршă вăтам шкулĕн учителĕ Константин Кусаинов вăй виçнĕ. "Супер-спринт" номинацире вăл çак виçере чи вăйли пулнине çирĕплетнĕ. "Виçĕ енлĕ Олимп кĕрешĕвĕ" номинацире вара Константин чи мала тухнипе пĕрлех тĕнче результатне çĕнетнĕ. К.Кусаинов - тĕнчен виçĕ хут рекордсменĕ, Гиннесс рекорчĕсен кĕнекин икĕ хут рекордсменĕ. 

М.ЯКОВЛЕВ.