27 августа 2014 г.
Паллă телеертỹçĕ Леонид Якубович Шăмăршăра пулнăранпа вăхăт нумай та иртменччĕ-ха. Нумаях пулмасть "ăна" каллех кунта тĕл пултăмăр. Районти тĕп больницăналла вскаса утакан арçын аякранах Якубовича аса илтерчĕ. Пĕр сăнлă çын темиçе те теççĕ-ха та - юриех чарса тăратрăмăр. Малтанласа вăл, Мускавран килсе çитнĕскер, ăнсăртран чирлесе ỹкнĕ те пирĕн тухтăрсенчен пулăшу ыйтма шутланă текен шухăш та пурччĕ. - Паян темиçе çын Якубович вырăнне хурса йышăнчĕ ĕнтĕ, - терĕ арçын. - Николай Терентьев эпĕ, Канаш мушикĕ, пенсионер. - Иккĕмĕш çул ĕнтĕ мăшăрăмпа - Валентина Федоровнăпа - Кахăрлă Шăхаль ялĕнче пурăнатпăр. - Николай Николаевич, ялта пĕрремĕш хут мĕнле йышăнчĕç вара? - Якубович "Поле чудес" ỹкерме килнĕ тесе чупкалама пуçларĕç çынсем. Ачасем вара автограф ыйтаççĕ. Кашниех передачăна хутшăнас кăмăллă. - Якубович мар эпĕ, сирĕн ял кĕрỹшĕ кăна тетĕп, - кулать Н.Терентьев. Юлашкинчен аранах ĕненнĕ çынсем. Николай Николаевича вара ялта çав-çавах Якубович теççĕ. Çĕнĕ вырăна пурăнма куçса килнĕ арçын хăй "Поле чудес" кăларăма хутшăнас кăмăлĕ пуррине те пытармарĕ...
В.НИКОЛАЕВ.