27 августа 2014 г.
Пирус туртнин сиенĕ çинчен пин-пин хут та каланă пуль, хаçатра та çырнă. Çапах та хурлăхлă цифрăсене тата та илсе кăтартас килет. Статистика çирĕплетнĕ тăрăх, ỹпке ракĕпе чирлессин 90 проценчĕ пирус туртнипе çыхăннă. Пирус туртнине пула чире кайса Раççейре çуллен 100000 çынна яхăн вăхăтсăр çĕре кĕрет. Табак тĕтĕмĕнче рак чирне яма пултаракан канцерогенлă 43 вещество пур. Пĕтĕм тĕнчери сывлăха сыхлакан организаци çирĕплетнĕ тăрăх, пневмонипе вилекенсем турттакансем хушшинче туртманнисемпе танлаштарсан вунă хут, вар-хырăм çĕрнипе (язва) вилекенсем ултă хут нумайрах. Сывă пурнăç йĕркине тытса пыракансемпе танлаштарсан, туртакан çынсем вăтамран 13 çул сахалтарах пурăнаççĕ. Шухăшласа пăх, юлташăм: туртмалла е туртмалла мар? Пурăнассу килсен, ан турт!
Е.ДОЛГОВА, Чăваш Республикин тава тивĕçлĕ врачĕ.