20 сентября 2014 г.
Бесланти трагедиллĕ пулăм пулса иртнĕренпе вунă çул çитнине халалласа Пăчăрлă Пашьелĕнчи пĕтĕмĕшле пĕлỹ паракан вăтам шкулта "Терроризма хирĕç - пĕрле" темăпа информаци буклечĕсен, листовкăсен, асăрхаттарусен конкурсĕ пулса иртнĕ. Пултарулăх тупăшăвне 5-11 классенче вĕренекенсем хутшăннă. "Буклет" номинацире Кирилл Угарин (5 класс), Павел Краснов (6 класс) тата Александра Краснова (8 класс) малтанхи вырăнсене йышăннă. "Асăрхаттару" номинаци çĕнтерỹçисем - Вероника Романовапа Екатерина Савельева (5 класс), Виктория Угарина (8 класс). "Листовка" номинацире вара Ксения Кузьминан (5 класс) ĕçне чи лайăххи тесе йышăннă. 9-11 классенче вĕренекенсем хушшинче тĕрлĕ номинацисенче Наташа Васильева (9 класс), Ангелина Кокуркина (10 класс), Екатерина Кузьмина (11 класс), Яна Харитонова (9 класс) палăрнă.
Н.УГАРИНА.