Публикации » В.Сидорова асăнса - турнир

24 сентября 2014 г.

 Милици майорне В.Сидорова асăнса пирĕн районта çуллен волейбол турнирне йĕркелеççĕ. Шăмăршă вăтам шкулĕн спорт залĕнче нумаях пулмасть каллех çакнашкал мероприяти иртрĕ. Тỹрех каламалла: волейболистсен командисен хушшинчи ăмăрту хĕрỹ пычĕ. Анчах та полицин Патăрьелĕнчи пайĕн сотрудникĕсен команди пуринчен те вăйлăрах пулни палăрчĕ. Полицин Шăмăршăри уйрăмĕн сотрудникĕсен команди - иккĕмĕш, Шăмăршă ял тăрăхĕн команди виççĕмĕш вырăн йышăнчĕç. В.Сидоровăн мăшăрĕ Марина Сергеевна волейболистсене турнира хутшăннăшăн пурне те пĕтĕм чун-чĕререн тав турĕ. Çавăн пекех спонсорсене те тав сăмахĕсем каларĕ. 

В.АНТОНОВ.