27 сентября 2014 г.
Раççейри топ-500 шкулсене палăртнă. Унта Чăваш Енри 6 вĕренỹ учрежденийĕ кĕнĕ. Списока 2013-2014 вĕренỹ çулĕ-сен кăтартăвне - ППЭне, предмет олимпиадисене - шута илсе хатĕрленĕ. Шупашкарти 3-мĕш лицей 485-мĕш вырăнта, ун хыççăн - 5-мĕш гимнази. Списока малалла Çĕнĕ Шупашкарти 6-мĕш гимнази тăснă, 4-мĕш лицей - 488-мĕш вырăнта, 4-мĕш гимнази 489-мĕш вырăнта, ун хыççăн - Шупашкарти 1-мĕш гимнази. Кунсăр пуçне Шупашкарти 3-мĕш лицей ачасен пултарулăхне аталантарма пулăшакан 200 вĕренỹ учрежденийĕсен йышне кĕнĕ. Кунта Шупашкарти 5-мĕш гимназипе Çĕнĕ Шупашкарти 6-мĕш гимнази те лекнĕ. Ку рейтингра çĕнтерỹçĕсене предмет олимпиадисен пĕтĕмлетĕвĕпе килĕшỹллĕн палăртнă. Раççейри ялсенчи чи лайăх 200 шкулсен йышне республикăри 5 вĕренỹ учрежденийĕ кĕнĕ. Вĕсем - Элĕкри И.Я.Яковлев ячĕллĕ шкул, Йĕпреçри 1-мĕш шкул, Патăрьелти 1-мĕш шкул, Вăрмарти Г.Е.Егоров ячĕллĕ шкул тата Вăрнарти 2-мĕш шкул.