27 сентября 2014 г.
Чăннипех çапла. Çакна район администрацийĕ ирттернĕ черетлĕ мониторинг та çирĕплетет. Сăмаха хаксем чакнинчен пуçлар пулĕ. Юлашки вăхăтра суту-илỹре сысна ашĕ пилĕк тенкĕ çурă йỹнелнĕ, халĕ унăн пĕр килограмĕ - 240 тенкĕ патнелле. Услам çушăн та сахалрах тỹлетпĕр - килограмĕшĕн вăтамран 300 тенке яхăн. Сĕтпе сахăр песокĕн хакĕсем пĕчĕкленни те палăрать, пан улми те малтанхинчен йỹнĕрех. Çав вăхăтрах шăнтнă пулă хакланнă, пĕр килограмĕ 70 тенкĕ патне çитнĕ. Чăх çăмартишĕн, тулă çăнăхĕшĕн, рис, вир, хура тул кĕрписемшĕн те ытларах тỹлеме тивет. Вермишельпе сухан та хакланнă. Сăмахран, "çĕр чиртен усăллă" пахча çимĕçĕн пĕр килограмĕ халĕ 17 тенкĕ. Сармантейĕн сар чăххисем те ылтăн çăмарта тума пуçларĕç пулмалла. Ытти апат-çимĕç хакĕсем малтанхи шайрах тытăнса тăраççĕ - пысăк улшăнусемех çук.