Публикации » Кристина Чебан - çĕнтерỹçĕ

04 октября 2014 г.

 Пирĕн мухтавлă ентешĕмĕре, Раççей Геройне Олег Долгова халалласа Самар облаçĕнчи Луначарский паççулккинче (Долговсен çемйи унта куçса кайнă) çуллен дзюдо мелĕпе кĕрешекенсен турнирĕ иртет. Сентябрĕн 27-мĕшĕнче йĕркеленĕ турнира Шăмăршăри ачасемпе çамрăксен "Туслăх" спорт шкулĕн команди те хутшăнчĕ. Турнирта Самар облаçĕнчи тата пирĕн районтан пынă 312 кĕрешỹçĕ вăй виçрĕ. Пирĕн командăри Евгений Силин, Дмитрий Денисовпа Максим Матросов хăйсен виçе категорийĕсенче пиллĕкмĕшпе улттăмĕш вырăн йышăнчĕç. Антон Чураевпа Алсу Федорова иккĕмĕш вырăн çĕнсе илчĕç. Кристина Чебан вара пĕрремĕш вырăна тухрĕ. Спортсменсене ытти ăмăртусенче те ăнăçу сунатпăр. 

А.ИЧАНКИН, ачасемпе çамрăксен "Туслăх" спорт шкулĕн тренер-преподавателĕ.