04 октября 2014 г.
Çак ятпа иртрĕ Васанти тавра пĕлỹ музейĕ çумĕнче йĕркеленĕ ачасен ỹкерчĕкĕсен куравĕ. Пĕрремĕш-тăххăрмĕш классенче вĕренекенсем хутшăнчĕç унта. Куравра - гуашьпе, акварельпе, кăранташпа, фломастерпа ỹкернĕ çирĕм ытла ĕç. Тĕп темăсем - тăван ял, ун урамĕсем, чуна çывăх сăнарсем, тавралăх илемĕ. Çамрăк ỹнерçĕсем хăйсем суйласа илнĕ темăсене туллин уçса пама тăрăшнă. Жюри Диана Кузнецован "Вĕç-хĕррисĕр тавралăх", Арина Архипован "Манăн урам" ỹкерчĕкĕсене чи лайăххисем тесе йышăнчĕ. Çавăн пекех, Дмитрий Кузнецов, Аня Ефимова иккĕмĕш вырăн йышăнчĕç. Ангелина Ефимовапа Анжелика Петрова та - маттуррисен шутĕнче.
Г.ЛАРШНИКОВ.