Публикации » Ветеран ĕçĕсен выставки

04 октября 2014 г.

 Пĕтĕм тĕнчери Ватă çынсен кунне халалласа, Карапай Шăмăршăри ял тăрăхĕн библиотекинче А.А.Гаврилова ăсталанă ал ĕç япалисен выставкине йĕркеленĕ. Александра Архиповна 1931 çулта çуралнă, нумай çул хушши Карапай Шăмăршăри вăрман пунктĕнче тата Киров ячĕллĕ хуçалăхра ĕçленĕ. Хастар хĕрарăм сăнне Хисеп хăми çине вырнаçтарнă, ăна темиçе хутчен те Мухтав хучĕпе чысланă. Тивĕçлĕ канура пулин те, Александра Архиповна килте ахаль лармасть. Вăл ăсталанă ал ĕç япалисем кил-çурта илем кỹреççĕ. - Çыхма, тĕрлеме юрататăп, - тет А. Гаврилова. Ал ĕç япалисем мана савăнăç кỹреççĕ. Хам пĕлнине çамрăксене те вĕрентме тăрăшатăп. Илеме юратни пурнăçа хитрелетет.

Г.ПЕТЬКОВА.