Публикации » Кашни ача - тимлĕхре

15 октября 2014 г.

 Октябрĕн 10-мĕшĕнче район администрацийĕ çумĕнчи çул çитмен çамрăксемпе тата вĕсен прависене хỹтĕлес тĕлĕшпе ĕçлекен комиссипе наркотиксемпе усă курнине хирĕç кĕрешекен комиссин пĕрлехи ларăвĕ иртнĕ. Ларура район администрацийĕн вĕрентỹпе çамрăксен политики пайĕн тĕп специалисчĕ Е.Вашуркина, Патирекри тата Кивĕ Чукалти пĕтĕмĕшле пĕлỹ паракан тĕп шкулсен директорĕсем А.Камалтдиновапа Т.Бибукова тухса калаçнă, çамрăк ăрăва сиенлĕ йăласенчен сыхлас ыйтăва çивĕч çĕкленĕ. Кашни ача тимлĕхре пулмалла, педагогсен шанчăклах мар çемьесене куçран вĕçертме юрамасть. Шкулта вĕренекенсем сывă пурнăç йĕркине килĕштерччĕр, спорта юратчĕр тесе тăрăшса ĕçлемелле. 

С.КУРАКОВА.