Публикации » Реконструкциленĕ çула уçма хутшăннă

25 октября 2014 г.

Октябрĕн 23-мĕшĕнче Чăваш Ен Пуçлăхĕ Михаил Игнатьев Федерацин çул-йĕр агенствин ертỹçипе Роман Старовойтпа пĕрле Муркаш районĕнчи Москакасси ялĕ тĕлĕнчи тĕпрен реконструкциленĕ М-7 "Атăл" çула уçма хутшăннă. М-7 "Атăл" _ Мускавран Владимир, Чулхула, Хусан, Уфа хулисене илсе çитерекен аслă çул _ хальхи пурнăç ыйтăвĕсене тỹррĕмĕнех тивĕçтерет. Чăваш Ен Пуçлăхĕ Михаил Игнатьев юлашки çулсенче федераци магистралĕсене модернизацилеме тата строительство ĕçĕсене пурнăçлама укçа-тенкĕ сахал мар уйăрнине палăртнă. "Чăваш Енри çул-йĕр тытăмĕн пуласлăхĕ пысăк, _ тенĕ Михаил Игнатьев. _ 2018 çул тĕлне М-7 тата А-151 федераци трассисене 1-Б категорие куçарсан ĕç тата та лайăхланать".