Публикации » Конкурсра çĕнтернĕ

25 октября 2014 г.

Культура çулталăкне халалласа, кăçалхи сентябрь-октябрь уйăхĕсенче республикăра ача сачĕсене çỹрекенсемпе кĕçĕн классенче вĕренекенсем валли "Çут çанталăкăн тупмалли юмахĕсем нумай" ятпа пултарулăх конкурсне ирттереççĕ. Çак кунсенче конкурс комиссийĕ район шайĕнчи кăтартусене пĕтĕмлетнĕ. "Тăван çĕр çинчен _ юратса" номинацире Пăчăрлă Пашьелĕнчи вăтам шкулти Диана Мандрюковăн ỹкерчĕкĕсене, "Кунтăк вăрттăнлăхĕсем" номинацире Шăмăршăри "Юмах" ача садне çỹрекен Илья Добрынинăн, Люба Семенован тата Аделина Залалтдинован çут çанталăк материалĕсенчен ăсталанă япалисене, "Тупмалли юмахсен планети" номинацире "Юмах" ача садĕнчи Федор Ревуновăн çут çанталăк темипе çыхăннă тупмалли юмахĕсене чи лайăххисем тесе йышăннă. Вĕсен ĕçĕсем республикăри конкурса хутшăнĕç. Çакна палăртмалла: çỹлте асăннă конкурс ачасен пултарулăхне ỹстерме нумай пулăшрĕ, ỹкерчĕксемпе ал ĕç япалисен пахалăхĕ те ỹсрĕ.

З.МОРОЗОВА.