Публикации » Ăна кашни юратать

25 октября 2014 г.

Светлана Леонидовна Сорокина шкул ачисем сывлăхлă та чирлемесĕр çитĕнччĕр тесе нумай ĕç туса ирттерет. Вăл вĕсене спортпа туслаштарма тăрăшать, физкультурăна юратма хавхалантарать. Ачасем те вăл ертсе пыракан спорт секцийĕсене хаваспах çỹреççĕ. Тренировка хыççăн тренировка иртттерни вара пĕрре те усăсăр иртмест. Шкул командисем темиçе хутчен те тĕрлĕ ăмăртура малти вырăнсене тухса çĕнтерỹ- пе таврăннă. Хĕр ачасен команди районта баскетболла выляса мала тухнă.Республикăри ăмăртура та призерсен йышне кĕнĕ. Светлана Леонидовна чăннипех те хăйĕн ĕçне чунтан парăннă педагог.Вăл учительсен республикăри конкурсĕнче те лауреат ята тивĕçнĕ. Икĕ çул умлă-хыçлă çĕр-шыв конкурсне хутшăнса педагогика ĕçĕн мастерĕн хисеплĕ ятне çĕнсе илме пултарнă. Ачасене чунтан юратнăран, хăйĕн профессине кăмăллакан çын кăна çакăн пек çитĕнỹсем тума пултарать. Çавнашкал çынсенчен пĕри вăл -Светлана Леонидовна Сорокина.Ахальтен мар ăна кашни вĕренекен юратать. 

В.ТОСКИНЕЕВ. Палтиел ялĕ. ("ТАНТĂШ" хаçатран.)