25 октября 2014 г.
Çак ваттисен сăмахне Хĕрлĕ Васан паççулккинчи Василий Павлов фермер çинчен каланăнах туйăнать. Çав тери ĕçчен те сăпайлă çын вăл. Кĕске хушăрах хуçалăхра çирĕп йĕрке туса хучĕ, тырă склачĕпе йĕтеме те тĕпрен çĕнетрĕ. Василий Николаевич унччен акăнмасăр выртнă çĕрсене сухаласа тыр-пул çитĕнтерет, лайăх тухăç пуçтарса кĕртет. Халĕ эпир хамăра ĕлĕкхи тĕреклĕ колхозра пурăннă пекех туятпăр. В.Павлов ваттисене хисеплеме те пĕлет. Акă çак кунсенче кăна-ха паççулккăри 16 пенсионера та тỹлевсĕрех пĕрер центнер тулă валеçсе пачĕ. Фермер ял халăхне ĕçпе тивĕçтернине те ырламалла. Унăн хуçалăхĕ тĕрекленсе пырсан ĕç вырăнĕсем тата та нумайланĕç. Ĕçỹсем ăнса пыччĕр, çирĕп сывлăхлă та телейлĕ пул, Василий Николаевич!
З.ГЕРАСИМОВА. А.МАКАРОВА. Хĕрлĕ Васан паççулкки.