Публикации » Ĕç çынна илем кỹрет

29 октября 2014 г.

Районти ял хуçалăх ĕçченĕсен пысăк йышĕнче чунтан тăрăшса вăй хуракансем сахал мар. Акă "Искра" ял хуçалăх кооперативĕнчи Минхарис Кафизов (сулахайри ỹкерчĕкре) нумай çул хушши тракторпа тата комбайнпа ĕçлерĕ, юлашки çулсенче мастерской заведующийĕнче тăрăшать. Техникăна хăйĕн аллинчи пỹрнисене пĕлнĕ пекех лайăх пĕлекенскер, Минхарис Минетдинович шанса панă ĕçре çирĕп йĕрке туса хунă. Кирлех пулсан, тракторпа е комбайнпа ĕçлеме те хатĕр вăл, слесарь-юсавçă е тимĕрçĕ ĕçĕнче те пултарать. "Исток" хуçалăхри Ирфан Усманов та _ ылтăн алăллă çын. Вăл _ малта пыракан тракторист, вырма вăхăтĕнче комбайн çине ларса хăй акса çитĕнтернĕ тыр-пула пуçтарса кĕртет. Минхариспа Ирфан пек çирĕп арçынсем çинче тытăнса тăрать те ĕнтĕ паянхи ял хуçалăхĕ. Вĕсене ĕçре тата пурнăçра ăнăçу çеç сунар.

И.САЛАНДАЕВ