22 октября 2014 г.
Район администрацийĕн ЗАГС пайĕ кăçалхи сентябрь уйăхĕнчи ĕç-хĕле пĕтĕмлетнĕ. Сентябрьте районта 10 ача (пĕлтĕр - 11) çуралнă, тĕрлĕ сăлтавпа 29 (пĕлтĕр 24) çын вилнĕ. Пурĕ 12 (12) туй кĕрленĕ, 1 çемье (1) арканнă. Кăçал арçын ачасем ытларах çурални палăрать. Телейлĕ ашшĕ-амăшĕ Арсений, Глеб, Айнур, Алексей, Стефания ятсене килĕштернĕ. Районти виçĕ çамрăк çемьере - пĕрремĕш, икĕ çемьере - иккĕмĕш, виçĕ çемьере - виççĕмĕш, икĕ çемьере - тăваттăмĕш ача çуралнă.
Е.ФЕДОРОВА.